明石家學玩Ig 木村影相渡邊直美扮肥版雲妮
01月02日(二) 18:57東網電視
木村在元旦播映的《SANTAKU》中，幫明石家做攝影師。
日本名嘴明石家森馬主持的節目《SANTAKU》，元旦個集年年都邀得老友木村拓哉助陣，今年亦不例外，仲已經係第16次。今集講到明石家為咗跟上潮流，學人玩Instagram開咗個帳號，仲搵木村幫手做攝影師，搵埋Ig女王渡邊直美一齊做Model。
第一次放相在Ig，明石家都想搞吓綽頭，他向木村以保鏢為題材的新劇《BG~身邊警護人》偷師，過吓做保鏢癮，搵渡邊直美同佢上演一場《護花傾情》（The Bodyguard）。渡邊直美仲好認真，參考雲妮候斯頓（Whitney Houston）在歌曲《Queen of the night》的造型，不過就變咗搞笑肥版。至於拍出來的照片，大家上明石家Ig就可以睇到，差不多成百張相咁多，不少網友都大讚木村的攝影了得，仲拍得明石家好有格調，結果至今已吸納30多萬追隨者。
而節目亦追訪木村為《BG~身邊警護人》在健身室進行操肌肉特訓情形，木村請咗日本著名健身女教練AYA指導，十分認真。雖然今集有木村同渡邊直美助陣，收視只錄得5.9%，認真麻麻。
全站熱搜
留言列表
本人的心情札記&其他 (2)