等待‧只為與你相遇

山崎賢人蟬聯國寶級男星No.1　藤岡靛入十大
04月24日(日) 10:13


       【on.cc東網專訊】 半年一度、由日本時裝雜誌《ViVi》1萬名讀者票選嘅「國寶級型男排行榜」揭盅，近年接拍多部少女漫畫改編電影而迷倒大批女粉絲嘅青春男星山崎賢人，成功揮低一眾強敵蟬聯冠軍！第二名係憑話題日劇《民王》獲封視帝嘅實力派男星菅田將暉，至於下周有新片《火星異種》開畫嘅尊尼男星山下智久就進佔第3位。

入圍十大嘅仲有《MEN'S NON-NO》御用男模坂口健太郎、窪田正孝、三代目J Soul Brothers成員岩田剛典、福士蒼汰、三浦翔平、Hey!Say!JUMP成員山田涼介，當中曾喺港台發展嘅藤岡靛演完NHK晨早劇《阿淺來了》後，由上屆榜上無名一氣躍升至第7位，認真威威！

至於排第9位、與藤岡靛合作《請和這個沒用的我談戀愛》嘅圖：三浦翔平，昨日被網上直播節目貼身直擊一整日生活實況，中途突然宣布即日假東京一間書店舉行寫真集簽名會，招待一百名帶同其寫真集嘅粉絲，結果吸引大批粉絲趕到現場。