新垣結衣自爆愛做家務煮兩味
10月15日(日) 16:27東網電視
廣末涼子(左起)與新垣結衣、永野芽郁在節目中大談家庭生活。
日本女星新垣結衣與瑛太、廣末涼子主演的新片《乒乓情人夢》本月21日在日本上映,結衣近日頻頻曝光宣傳,今日早上結衣與廣末涼子、永野芽郁現身富士電視台節目造勢。
永野表示現在與家人一齊住,因為有家人代勞做家務,所以佢唔識洗衫同煮飯。相反單身生活的結衣,家務就要一腳踢,不過佢好鍾意做家務,所以完全冇問題,仲好享受一個人住。佢話洗衫、洗碗同清潔浴缸都冇問題,但就最怕摺衫。佢又話自己鍾意煮兩味,特別招呼朋友去屋企食飯,就更加落足心機,唔怪得網友都讚她好有潛質做家庭主婦。
另一方面,有一千人投票的「最想一齊唱K的藝人」選舉,結衣與竹內涼真分別成為男女組別No.1,入選的藝人還有星野源、菅田將暉、渡邊直美及石原聰美。
全站熱搜
留言列表