AKB準備賀十周年 板野 前田唔記得舞步
建立時間: 1206 10:00
AKB今晚會舉行十周年騷，一班舊將都會現身
日本組合AKB48五、六年前開始喺日本爆紅，仲紅到嚟香港，但其實佢哋出道幾年後先至走紅，今年AKB已經組成十周年，今日仲會舉行一個十周年紀念騷，請番好多已經離隊嘅人氣前成員現身，包括前田敦子、板野友美、篠田麻里子、大島優子等，一班舊粉絲都好期待。
而噚日板野友美就上載咗張同前田敦子嘅合照，原來佢哋係為今晚個十周年騷綵排，不過，離隊兩年嘅板野就話，同離隊三年嘅前田綵排時，原來大家好多舞步都唔記得咗，所以要密密練多啲。而現任成員渡邊麻友，日前就去咗布甸狗Café，同布甸狗一齊影相，佢仲着咗套露腰布甸狗衫，唔怕凍親個肚。
全站熱搜
留言列表
本人的心情札記&其他 (2)